... / ناوي خطفك / ...
^^^^^^^^^^^^^^^^^^^^^^^^
أنا مو طفل بس نومتي لوله
عاشك والوكت خلاك إلي سوله
أنا الحبيت روحه والترافة البي
وعاين عالخلك بحسنه مشغوله
أنا الناوي خطفك وليصير يصير
اذا منطوك أهلك ما بيه مقبوله
لا تكول المجتمع وصناف التقاليد
أدليمي بعد لا تكول معقوله
أكلك لو يهدوني الشمس ماريد
أعيش بدون حبك..نفسي مشلوله
حبيتك من سنين وضكت لوعات
وسيوف الحنين بوجهي مسلوله
وطاح ورك روحي وشيب الراس
ودموعي تواسي..نبضات معلوله
يل بعتة الشبابي للزمن مرخوص
ولشوكك عافية وأيام معسوله
ليش تروح وتخلي بدنيتي أحتار
وتحرمني نومتي والروح مسلوله
مو ردتك دليلي وللعهد وفاي
وردتك بالعسر أحضان مذلوله
#سيف_الاعظمي*...(الدليمي)...
من الشعر الشعبي (النبطي)...
ليست هناك تعليقات:
إرسال تعليق