... / حرت وياك / ...
^^^^^^^^^^^^^^^^^^^^^^^^^^
أصفن عالدرب ولچني مجنون
أسولف قصتي لهمي ونيني
منين أبتدي من حضن مبلول
لو لهفه ترد شوگي وحنيني
حرت وياك يالبفركتك مجروح
لا أندلك لجي ولا أنته تجيني
تعال مو خلصت العمر دمعات
وبسبتك ذبلت شجرة سنيني
تعال أنطفت بيه كل الشموع
وشبت نار شعلاهة بنص وتيني
وإذا أنبتت بنص الضلوع أشكال
أشواگ وسهام بزودك سجيني
يالمفاركني أشكد أحبك أخ
عطشان لشوفتك دمر أحتويني
حذرتك تخلي أباب الجفن لفراك
يحرك عين الكلب شما تطفيني
#سيف_الأعظمي*...(الدليمي)...
ليست هناك تعليقات:
إرسال تعليق